बरु बेस हुन्थ्यो

नसमाएको भए बरु बेस हुन्थ्यो मेरा हातहरु
नखोजेको भए बरु बेस हुन्थ्यो मेरा साथहरु
नदेखाएको भए बरु बेस हुन्थ्यो असली जातहरु
नकाटेको भए बरु बेस हुन्थ्यो मसँग रातहरु!

नजोडेको भए बरु बेस हुन्थ्यो मसँग नाताहरु
नओढेको भए बरु बेस हुन्थ्यो च्यातिएको छाताहरु
नखोलेको भए बरु बेस हुन्थ्यो उधारो खाताहरु
ननाघेको भए बरु बेस हुन्थ्यो सीमान्त हाताहरु!

नकोरेको भए बरु बेस हुन्थ्यो प्रेमका खाकाहरु
नमारेको भए बरु बेस हुन्थ्यो छुट्टिने टाँकाहरु
नगरेको भए बरु बेस हुन्थ्यो मायाका वाचाहरु
नगाएको भए बरु बेस हुन्थ्यो पिरतिका भाकाहरु!

नचोरेको भए बरु बेस हुन्थ्यो असल फेसहरु
नहारेको भए बरु बेस हुन्थ्यो जीवनका रेसहरु
नफेरेको भए बरु बेस हुन्थ्यो क्षणमै भेषहरु
नगरेको भए बरु बेस हुन्थ्यो मायाका गेसहरु!