जून, भगवान र मेरो बाबा

म सानो छँदा,
बाबालाई धेरै दिन नदेखेर
आमालाई सोधें
आमा आमा
बाबा खोइ ? बाबा खोइ ??
आमासँग मेरो प्रश्नको जवाफ थिएन शायद
आमा एकछिन चुप हुनु भयो
शायद धेरै दिन चुप बस्न सकिंदैन भनेर होला
आमाले भन्नुभयो
बाबु, बाबा त भगवान हुनु भयो ।
मैले चित्त नबुझेर फेरि सोधें
भगवान कहाँ बस्नु हुन्छ
आमाले मलाई भन्नु भयो
बाबु! भगवान त आकाशमा बस्नु हुन्छ

धेरै पछिको एकदिन मैले आकाश मा जुन देखें
अनि आमालाई सोध्न पुग्छु
आमा त्यो के हो? त्यो के हो ?
आमा ले भन्नु भयो
बाबु त्यही त हो भगवान ।
म अचम्म मान्दै फेरि सोधें
आमा आमा
त्यसो भए बाबा त्यहीं बस्नुहुन्छ त ?
मेरो प्रश्नले मेरी आमा नाजवाफ हुनु भयो
मात्रा रुनु भयो
मैले केही बुझ्न सकिन
मेरो मन भित्र भित्रै धेरै प्रश्नले जरा गाडेको छ
के मेरो बाबा नै जुन हो या मेरो बाबा भगवान हो
के जुन, भगवान अनि मेरो बाबा एकै हो त ???

---------------------------------
(यो कविता नभएर छोरा सानो छँदा ऊ र म बिचको संवाद हो )
.