पिउने रहर

आज धेरै समय पछि पिउने रहर जाग्यो

अनि हरिभक्त कटुवालका यी कविताहरु सम्झिन पुगें ।

****************************

म आफ्नै बाटो हिंडिरहेको हुन्छु

पाइला अन्त कतै गइदिएको हुन्छ

सत्य,

म तिमीलाई नै सम्झिरहेको हुन्छु

तर मन अरु कसैको भइदिएको हुन्छ

म कायल छु ,

तिम्रो मुस्कान जस्तै यो रक्सीसित

कहिले मैले यसलाई खाइरहेको हुन्छु

कहिले उसले मलाई खाइरहेको हुन्छ ।

*****************************

सपना बोकेर आइदिने रातहरुलाई एउटा सलाम

त्यहि सपना खोसेर लैजाने प्रभातलाई अर्को सलाम

यहाँ सजिलैसित जिउनलाई एउटा निहुँ पाएको छ

रक्सी बनाइदिने त्यो पहिलो स्रिष्टीलाई ठुलो सलाम ।

******************************